“Безнең эшләребез уртак”

Прокурор белән эшлекле очрашу.

Бүген Хөкүмәт Йортында Башкортстан Башлыгы Радий Хәбиров республиканың яңа прокуроры Игорь Пантюшин белән очрашты. Төбәк җитәкчесен аның белән Русиянең генераль прокуроры Николай Шишкин таныштырды.

 Игорь Пантюшин 8 декабрьдә Башкортстан республикасы прокуроры итеп тәгаенләнде.

– Яңа вазифагыз белән тәбрикләргә рөхсәт итегез.  Республика прокуратурасын җитәкләү – зур җаваплылык. Башкортстан – Русиянең зур төбәге. Биредә 4 млн.нан артык кеше яши. Безнең икътисадыбыз ныклы, без алга үсештәбез, – диде Радий Хәбиров. – Башкортстан – күпмилләтле  республика. Биредә 150 дән артык миләт вәкилләре дус һәм туган булып яши.

Республика прокуратурасына килгәндә, ул бик эшчән орган. Безнең эшебез дә уртак, чөнки кешеләрнең мәнфәгатен яклау иң мөһиме.

– Игорь Станиславович – тәҗрибәле, белемле, һөнәри яктан зур әзерлекле прокуратура җитәкчесе, – диде Николай Шишкин. – Шәхсән үзем аны күп еллар беләм һәм ул искиткеч тәрбияле  кеше дип әйтә алам.

Сезгә Башкортстанда уңышлар телим!

Белешмә:

Игорь Станиславович Пантюшин 1966 елның 22 ноябрендә Тамбов өлкәсендә туган. Воронеж дәүләт университетын тәмамлаган. Юридик фәннәр  кандидаты.