Азык-төлек кризисы башланырмы?

Дөньяда азык-төлек кризисы башлана. Аны җиңеп чыгар өчен икътисадны тергезергә һәм хакларны контрольда тотарга кирәк, дип белдергән Русия хәвефсезлек советы рәисе урынбасары Дмитрий Медведев. “Бөтен җирдә азык-төлеккә хаклар арта”,  - дип язган Дмитрий Анатольевич “Российская газета”га.

Бу хәлне булдырмас өчен икътисадны күтәрер өчен нәтиҗәле программа кирәк, ди ул.

“Күп илләр пандемиягә кадәр булган икътисадларына 2024 елда гына әйләнеп кайта ала”, - ди Медведев. Бу – 2008-2009 елларда булган финанс кризисыннан күпкә җитдирәк.

Русия, башка илләр кебек, 2021 елның языннан бирле Ковид-19 пандемиясенең бишенче фазасында.

Чыганак: tatpressa.ru