Тиз, уңайлы һәм хәвефсез

Башкортстан Башлыгы Радий Хәбиров әйтүенчә, республикабыз ышанычлы партнеры Куйбышев тимер юлы (КЖД) белән бергә алга атлый.

   Моннан ярты ел элек “Уфа-Күмертау” маршруты буенча “Орлан” экспресс-поезды йөри башлаган иде. Маршрутны халык хуплап каршы алды. Бүген исә маршрут Ырынбурга кадәр озайтылды. 6 сәгать эчендә барып җителә, уңайлы һәм хәвефсез дә юл була бу. Ә киләчәккә инде яңадан-яңа планнар корыла.