Эшсез тормыйлар

Сибай шәһәрендә урамнарны аутсорсинг компанияләре җыештыра башлаган.

Үзизоляция режимында яшәгәндә Сибайда бөтен өмәләрне һәм “чиста атнакичләрне” туктатканнар. Әмма, шәһәрнең хакимият башлыгы Рөстәм Афзалов әйтүенчә, Сибай көннән-көн чистара, матурлана: торак-коммуналь хезмәтләренә ярдәмгә аутсорсинг компанияләрендә эшләгән 160лап хезмәткәрне җәлеп иткәннәр.

“Ихата, биналарда җыештыручы булып эшләүчеләр, вахтерлар әлеге вакытка кадәр мәктәпләрдә, балалар бакчаларында хезмәт иттеләр. Әле дә алар эшсез тормый – биналарда косметик ремонт ясыйлар, территорияләрне чистарталар”, – дип бәян иткән хакимият башлыгы.