Аэропорт — коронавирус йоктыруда иң хәвефле урыннарның берсе

Терминаллар биналарында һәм аэропортның башка объектларында дымлы җыештырулар ешрак оештырылган.

Шулай ук аэропортта кварцлы ябык һава рециркуляторлары куллана башлаганнар, аларны кешеләр янында кулланырга да рөхсәт ителә.

“Барлык хезмәткәрләр дә маскалар, перчаткалар белән тәэмин ителгән. Аэропорт бинасында бөтен урыннарда куллар өчен дозаторлар урнаштырылган. Самолетлар һәм автомобильләр салоннарын эшкәртү көчлерәк концентрацияле чаралар ярдәмендә башкарыла”, — ди “Уфа” аэропортының сәламәтлек пункты мөдире Юрий Тимофеев.

Әгәр пациент коронавирус билгеләре белән сәламәтлек пунктына мөрәҗәгать итә икән, шулай ук аның коронавирус таралган илләргә баруы ачыкланса, аны кичекмәстән 4 санлы инфекцион клиник дәваханәсенә озатачаклар. Территория эшкәртүне исә республиканың Дезинфекция үзәге үз өстенә алачак.