14 октябрьдә сүндерәләр!

Сүндерү кабель операторлары абонентларына түгел, ә телевизорны бүлмә антенналары аша караучыларга кагыла. Алар үзләренең экраннарында телевизорны үзгәртеп көйләү буенча сорауларга җавап бирәчәк телефон номерларын күрәчәк. Федераль каналлар күрсәтүдән туктаячак, ә БСТ каналы югалмаячак.

“Реформа республика халкының 15-20 процентына гына кагылачак, чөнки халыкның 60 процент чамасы кабель телевидениесен куллана. Алар өчен берни дә үзгәрмәячәк”,- диде конференциядә катнашучылар.

Цифрлы приставка-җайланмалар бүген көнкүреш техникасы кибетләрендә сатыла, аларны Русия почтасы бүлекләрендә сатып алырга мөмкин. Уртача хакы – мең сумга якын.

Приставкаларны кабызу өчен йортыгызга волонтерларны чакыра аласыз, алар гариза калдырганнан соң тәүлек эчендә килеп җитәчәк. Аларның исем-фамилияләре, фотография һәм оешма мөһере сугылган бейджигы була.

-Әгәр сез колл-үзәккә шалтыратмагансыз, ә волонтер үзе килгән икән, димәк, ул – мошенник,- диде конференция кунаклары.- Тагын бер билге – волонтерлар сезнең өчен приставкалар сатып алмый, эше өчен акча алмый, алар бары тик приставкаларны көйли генә.

Колл-үзәкләргә шалтырату бушлай. “Кызу линия телефоннары:

Федераль – 8-800-220-2002;

Төбәкнеке – 8-800-347-00-55.