Бездә бәйрәм!

Һәрбер гәзит һәм журнал үзенең өстәлен куеп, басмаларга язылу оештырдылар. Халык кырмыска оясын хәтерләтә иде: һәр язылучыга истәлекләр бүләкләр тапшырылды, күренекле җырчылар белән якыннан күрешеп, фотога төшү мөмкинлеге булды. Кунаклар арасында журналистика ветераннары, язучылар, шагыйрьләр, җырчылар булуы бәйрәмгә аеруча ямь өстәде.

Килгән кунакларны Башкортстанның матбугат һәм киң мәгълүмат чаралары агентлыгы җитәкчесе Борис Мелкоедов, “Башкортстан Республикасы” дәүләт нәшрият йорты генераль директоры Венера Хәкимова, Башкортстан Дәүләт Җыелышы-Корылтай рәисе урынбасары, бөтендөнья башкортлары королтайы президиумы рәисе Эльвира Аетколова һәм башка мәртәбәле кунаклар сәламләде һәм бәйрәм белән котлады.

Әйткәндәй, бүгенге көннән гәзит-журналларга ташламалы хакка язылу буенча ун көнлек башланды. Бу мөмкинлекне кулдан ычкындырмый, яраткан матбугатыгызга язылып калырга ашыгыгыз!