Иген кайда ничек үскән?

9 сентябрьгә булган мәгълүмат буенча, бөртекле һәм кузаклы культура мәйданнарының 64 проценты җыелган, 2,1 миллион тоннадан күбрәк ашлык суктырылган.

Уңыш күрсәткече республика буенча гектарыннан уртача 19,8 центнер чыга дип хәбәр итәләр төбәкнең Авыл хуҗалыгы министрлыгыннан. Иң күп уңыш җыючылар – көньяк урман-дала зонасының 11 районы. Аларда уңыш гектарыннан уртача 26 центнер белән урый. Иң түбән күрсәткеч Урал аръягында теркәлә. Бу якларда, җәен корылык булу сәбәпле, уңыш күләме – гектарыннан 9 центнердан кимрәк.