Русиянең хәрби-диңгез флоты куәтлеме?

РФ Президенты Владимир Путин илнең хәрби-диңгез флотын теләсә нинди дошманга каршы тора алырлык, дип белдерде Санкт-Петербургта хәрби-диңгез флоты көне уңаеннан үткән парадта.

Дәүләт җитәкчесе флотны илнең хәвефсезлеген һәм милли интересларын ышанычлы тәэмин итә, диде.

Быел хәрби-диңгез флоты 15 кораб һәм хәрби катерлар белән тулыландырылачак. Диңгез авиациясенең, яр буе гаскәрләренең һәм базаларның инфраструктурасы камилләштерелә. Шулай ук, дөнья буйлап походларда йөрү тәҗрибәсе тергезелгән.

“Хәрби-диңгез флоты беренчеләрдән булып яңа техниканы үзләштерә. Алар дөньяда тиңе булмаган инженер һәм конструктор мәсьәләләрен нәтиҗәле эшли һәм куллана”, - диде ил башлыгы.