Бүген безнең бәйрәм!

14 июнь - Башкортстан матбугаты көне. Шул уңайдан Уфадагы Матбугат йорты алдында журналист, язучы, дәүләт һәм җәмәгать эшлеклесе Шаһит Ходайбирдин һәйкәленә чәчәкләр салынды.

Тантанада республиканың Матбугат һәм киңкүләм мәгълүмат чаралары агентлыгы җитәкчесе урынбасары Марат Газизов, “Республика Башкортостан” нәшрият йорты җитәкчесе Венера Хәкимова, Башкортстан журналистлары берлеге рәисе Артур Дәүләтбәков, гәзит-журналлар мөхәррирләре, журналистлар, ветераннар катнашты.

Каләмдәшләрнең һәрберсен һөнәри бәйрәм белән котлыйбыз! Иҗат чишмәгез һәрчак мул сулы булсын.