«Антифрод» — киберҗинаятьчелек белән көрәшүче система

РФ Хөкүмәтенең кибермошенниклыкка каршы көрәш буенча оператив штабы система өчен эшнең яңа сценарийларын килештерде. Мәсәлән, әгәр оператор сим-картаның җинаятьчегә ия булуын теркәсә, номер буенча дистанцион банк хезмәте 24 сәгатькә тукталачак.

Хөкүмәт гамәлгә ашыра торган чаралар нәтиҗәсендә илдә киберҗинаятьләр саны агымдагы елның беренче алты аенда өчтән бергә кимегән.

«Мошенниклар даими рәвештә үз схемаларын үзгәртә һәм яңа шартларга тиз җайлашалар. Димәк, безнең каршылык системасы алдан эшләргә тиеш. Оператив штаб эшенә федераль ведомстволар, шул исәптән хокук саклау органнары, Русия банкы, бизнес вәкилләре кушылды. Безнең максат: онлайн-җинаятьчеләргә каршы тору өчен көчләрне берләштерү» — дип ассызыклады Русия Хөкүмәте Рәисе урынбасары һәм Хөкүмәт Аппараты башлыгы Дмитрий Григоренко.