Машина баганага килеп бәрелгән: руль артында –16 яшьлек бала

Уфада 16 яшьлек ир бала ВАЗ руле артында светофорга килеп бәрелгән.

Кичә, 6 майда, кичке сәгать тугызынчыда, балигъ булмаган машина йөртүче, ВАЗ-21074 руле артында Уфа читендәге Алексеевка авылы янында светофорга килеп бәрелгән.

Юл-транспорт һәлакәте нәтиҗәсендә 16 яшьлек машина йөртүче имгәнгән, аны хастаханәгә алып киткәннәр.

Өлкәннәр, шундый күңелсез нәтиҗәләрне булдырмас өчен, балаларына ешрак тәрбия дәресләре бирсен иде.