Уфада пенсионер хатын «ФСБ хезмәткәре» басымы белән ике млн сумнан мәхрүм калган

Башкортстан Эчке эшләр министрлыгы мәгълүматлары буенча, хатын-кызга башта элеккеге хезмәттәше исеменнән хәбәр килгән. Анда янәсе аның белән хокук саклау органнары хезмәткәре элемтәгә керәчәк, ул аңа шикле банк күчерүләре белән бәйле сораулар бирәчәк, диелгән.

Берникадәр вакыттан соң уфимкага чыннан да үзен ФСБ хезмәткәре дип таныштырган ир-ат шалтыраткан. Ул аңа акчаларны чит оешма ихтыяҗларына күчерү омтылышы өчен җинаять җаваплылыгы яный, дип белдерде.

Хатын-кыз мондый эш эшләмәве турында хәбәр иткәч, аңа хезмәттәшлек итәргә тәкъдим иттеләр. Моның өчен барлык тупланмаларны «куркынычсыз счетка» күчерергә кирәк, дип ышандырганнар. Пенсионер хатын, күрсәтмәләр буенча, барлык акчаларын күчергән - 2 миллион сумнан артык.

Полиция хезмәткәрләре җинаять эше кузгаткан.

Фото: «Башинформ».