Ышанып, мәгълүмат җибәреп куймагыз!

Башкортстанда көч ведомстволары исемнәрен кулланучы мошенниклар схемасы турында кисәттеләр. Русия Федераль куркынычсызлык хезмәтенең Башкортстан Республикасы буенча идарәсе көч структуралары исемен куллана торган аферистлык гамәлләренең яңа схемасы турында кисәтә.

Җинаятьчеләр Милли террорчылыкка каршы комитет һәм Русия ФСБсы исеменнән Русия домен зонасы почта сервислары аша фишинг хатлары тарата. Хәбәрләрдә конфиденциаль мәгълүмат бирү турында запрослар бар: складлар урнашкан урыннар, пилотсыз очкычлар җыю пунктлары, волонтерлык оешмалары турында мәгълүматлар.

Җинаятьчеләр җаваплар алу өчен рәсми адресларга визуаль охшаш ялган электрон адреслар булдыралар. Максаты - БПЛА кулланып, алга таба диверсия актлары өчен белешмәләр җыю.

Моны белеп мөһим:

Рәсми сайтлар: НАК - nac.gov.ru ФСБ - fsb.ru.

Махсус хезмәтләр хезмәткәрләре документларны электрон почта аша җибәрми! Җибәрүчеләрнең адресларын игътибар белән тикшерегез.

Мәгълүмат сораулары белән шикле хатлар алганда, кичекмәстән БР буенча Федераль куркынычсызлык хезмәте идарәсенең ышаныч телефонына шалтыратыгыз: 8 (347) 273-73-72.

Уяу булыгыз! Хатларны таныш булмаган җибәрүчеләрдән ачмагыз һәм шикле сылтамалар буенча күчмәгез.

Чыганак: "Башкортостан", "Молодёжная газета".