Ир-егетләр кырыла...

Башкортстанда юл һәлакәтендә 38 яшьлек мотоциклчы һәлак булган.

Благовещен районында авария бүген кичке сәгать тугызлар тирәсендә Уфа-Яңавыл юлының 42 чакрымында булган.

Беренчел мәгълүматлар буенча, 57 яшьлек машина йөртүче идарә иткән «Лада Веста» һәм «Хонда» мотоциклы бәрелешкән. Юл-транспорт һәлакәте нәтиҗәсендә 38 яшьлек мотоцикл йөртүчесе алган тән җәрәхәтләреннән ашыгыч медицина ярдәме килгәнче үлгән.

Һәлакәт урынында Дәүләт автоинспекциясе хезмәткәрләре һәм башка ашыгыч хезмәтләр килгән. Юл-транспорт һәлакәтенең нечкәлекләре ачыклана.