Ришвәт бирергә тырышкан

Кичә көндез Никольское авылының Чкалов урамында полиция хезмәткәрләре документларны тикшерү өчен дәүләт номерлары булмаган «Иж Юпитер 5» мотоциклын туктаткан. 44 яшьлек ир-атның машина йөртү таныклыгы булмаган. Административ беркетмә төзегәндә ул, транспортны эвакуацияләүләрен белгәч, юл-патруль хезмәте инспекторларына ришвәт тәкъдим иткән. Полиция кисәтүләренә ир-ат җавап бирмәгән. Аннары машинадагы тартмага 30 мең сум салган. Әмма инспекторлар мондый провокациягә бирешмәгән һәм вакыйга урынына тикшерү-оператив төркем чакырткан.

Хәзер ваемсыз шофёрга карата РФ Җинаять Кодексының 291 маддәсе буенча вазыйфаи затка ришвәт бирергә омтылу өчен җинаять эше кузгату турындагы мәсьәлә карала.

«Башинформ» буенча Юлай НИЗАЕВ әзерләде.