ДАИ хезмәткәрләре Караиделдә исерек хатынны туктаткан (ВИДЕО)

Каридел районының Байкв авылында ДАИ хезмәткәрләре юлда бер җиңел машинаны туктаткан. Руль артында утырган 39 яшьлек хатын-кызның исерек булуы ачыкланган. Арткы урындыкта аның 2 һәм 10 яшьлек балалары да булган.

Машина йөртүче исерек кенә түгел, аның машина йөртү таныклыгы бөтенләй булмаган.

ДАИ хезмәткәре  хатыннан:

-Спиртлы эчемлекләр кулланган идегезме? - дип сораган.

-Әйе, - дип җавап биргән ул. - Хәзер заочно "права"мны аласызмы инде? - дип кызыксына ул.

-Юк. Сезнең бит таныклыгыгыз бөтенләй юк. Балаларыгызны жәлләр идегез! Әгәр юл һәлакәтенә эләккән булсагыз?! - диләр аңа ДАИ хезмәткәрләре.

Автомобилен шунда ук штрафстоянкага җибәргәннәр, балаларын картәниләре алып киткән.

Чыганак: Ufa_rb ТГ каналы.