16 яшьлек кызны көчләп кияүгә биргәннәр

Екатеринбургта Русия Тикшерү комитеты башлыгы Александр Бастрыкин кушуы буенча 16 яшьлек мәктәп укучысын көчләп кияүгә бирергә омтылу аркасында җинаять эше кузгатылган. Бу хакта пәнҗешәмбе, 27 февральдә, үзенең Telegram-каналында Русия Тикшерү комитеты төбәк идарәсе хәбәр итә.

Кызның проблемалары турындагы мәгълүмат башта Интернет челтәрендә таралды.  Былтыр февраль аенда “килешенгән (алдан сөйләшенгән) никах” өчен әти-әнисе кызлары  өчен кияү сыйфатында этник төркемнән 24 яшьлек ир-атны сайлаган. Кыз тәкъдимнән баш тарткач, аны бик каты кыйнаганнар. Үтерү белән янап,  кыйналган кызны кияү йортына илтеп япканнар. Аңа урамга чыгарга, туганнары белән аралашырга һәм мәктәпкә йөрү тыелган, ә телефонын тартып алганнар.

Яшь хатын сөйләвенчә, берничә ел элек аның иренең  16 яшьлек сеңлесен көчләп 50 яшьлек ир-атка кияүгә бирергә уйлагач, ул үз-үзенә кул салган...

Чыганак: lenta.ru