Уенчыклар урлаган “Кыш Бабай”ны төрмәгә утыртканнар

Нефтекамада яшәүче  ир-ат супермаркетта уен автоматыннан 20дән артык уенчык урлаган, дип хәбәр итә Башкортстан судларының берләштерелгән матбугат хезмәте. Аларның  бәясе 4,2 мең сумнан бәяләнә.

Билгеле булганча, урланган уенчыкларны ир-ат җинаятьтәше белән бергә очраклы узгынчыларга тараткан. Суд аны бер ел төрмәгә хөкем иткән.

"Гаепләнүче үз гаебен таныды. Йомшартучы шартлар сыйфатында тәүбәгә килү, җинаятьне тикшерүгә актив ярдәм итү, китерелгән зыянны кичекмәстән  каплау һәм тәрбиядә ике кечкенә баласы булуы исәпкә алынды.  Җәзаны авырайта торган хәл булып җинаятьләрнең берничә тапкыр кабатлануы тора, ул үзенең кыяфәте буенча куркынычка карый”, – диелгән хәбәрдә. 

Чыганак: bashinform.ru