Нәфрәткә һәм дошманлыкка урын юк

Уфа шәһәрендә Халыклар дуслыгы йортында милли-мәдәни иҗтимагый оешма вәкилләре Эчке эшләр министрлыгының Башкортстан Республикасы буенча идарәлегенә караган экстремизмга каршы үзәк начальнигы урынбасары Эдгар Погосян белән очрашты.

Очрашуда республикада милли татулыкны ныгыту, дини һәм милли сораулар нигезендә җәнҗаллар чыгуны кисәтү мәсьәләләре турында сүз барды.

• Террористик һәм экстремистик хәрәкәт оешма вәкилләре фетнә чыгарыр өчен сәяси, милли һәм дини мотивацияне актив куллана, - диде Эчке эшләр министрлыгы белгече. – Аеруча алар яшьләрне җәлеп итәргә тырыша.

Эчке эшләр министрлыгы экстремистик хәлләр булдырмау өчен чаралар үткәрә. Мондый экстремистик хәрәкәт лидерлары белән очраша, конфликтларны булдырмый калуга күп көч салалар.

Милли диаспоралар вәкилләре хезмәттәшлеккә әзер булуларын әйтте. Фикер алышуларга Уфа шәһәрендәге югару уку йортларыннан да студентлар һәм укытучылар килгән иде.

• Ешрак очрашырга, һәр халыкның проблемалары буенча фикер алышырга, - кирәк диде Халыклар дуслыгы йортының директоры Эльмира Саматова.

Чара  “Дошманлыкка һәм нәфрәткә урын юк” федераль акциясе кысаларында үткәрелде.