Белоретта хулиганнар Укытучылар скверында скульптураны бозганнар (ВИДЕО)

Белоретта  Укытучылар скверында скульптураны бозган үсмерләрне тотканнар.

Билгесез кешеләр яңа скульптураны бозып,  аның янындагы прожекторны ватып маташканнан соң шәһәр хакимияте полициягә мөрәҗәгать иткән. Композициянең укучы скульптурасын бозганнар. Күзәтү видеокамераларыннан ачыклануынча, бу вандаллар – нәкъ җирле мәктәпләрнең берсенең укучылары.

Полицейскийлар хулиганнарның  шәхесләрен ачыклаган. 10-14 яшьлек балалар белән профилактик әңгәмәләр оештырылган.

Аларның  ата-аналарын балаларын начар тәрбияләгәннәре өчен административ җаваплылыкка тарттыру мәсьәләсе хәл ителә. Кече яшьтәге вандаллар салган зыянны да аларның ата-ана капларга тиеш булачак.

Хәзер бала-чага күпне белә, аларның барысында да диярлек  интернетка тоташкан мобиль телефоннар бар. Нишләп соң алар адым саен видеокүзәтү камералары урнаштырылганын белми? Үзләрен дә, ата-аналарын да оятка калдыралар, җитмәсә, исәпкә куюлары да бар, ә бу мәсьәлә кайчак киләчәктә биографияне “пычратып” куюы да ихтимал. 
Чыганак: Mash Batash Телеграм-каналы.