Укытучыны алдый алмаганнар

Уфада аферистлар, эшкәртелгән схема буенча эш итеп, укытучыны ялгыш юлга кертергә тырышып караган, ләкин уяулыгы аңа аралашуны туктатырга һәм акча күчермәскә ярдәм иткән.

Полициягә мошенниклык омтылышы турындагы гариза белән уку йорты хезмәткәре мөрәҗәгать иткән. Ул хокук сакчыларына билгесез кешеләр алдау юлы белән акча урларга омтылулары турында сөйләгән.

Беренчел мәгълүматлар буенча укытучының телефонына билгесез кешеләрдән хәбәрләр һәм шалтыратулар килә башлаган. Алар үзләрен уку йорты җитәкчесе дә, хокук саклау органнары хезмәткәрләре дә буларак та тәкъдим иткән. Мошенниклар аның исеменнән акчаларны законсыз күчерү факты буенча тикшерү үткәрелүен һәм миллион сумнан артык кредит рәсмиләштерергә кирәклеген әйткәннәр.

Башта хатын-кыз билгесез кешеләрнең сүзләренә колак салган һәм аларның күрсәтмәләрен үтәгән: аларның сорауларына җавап биргән һәм онлайн-банкларның мобиль кушымталарына кергән. Әмма ниндидер мизгелдә укытучы аның белән, бәлки, мошенниклар аралашканын аңлый башлаган. Шуннан соң ул кәрәзле телефонын сүндергән һәм уку йортына юнәлгән, анда җитәкчене очратып, булган хәл турында сөйләгән. Арытаба кичекмәстән полициягә мөрәҗәгать иткән.