Җитәкче оешманың ике экскаваторын сатып җибәргән

Башкортстанда акча үзләштерүдә гаепләнгән оешманың элеккеге директоры суд алдына басачак.

"Шемяк" оешмасының элеккеге җитәкчесенә карата Уфа районы судында җинаять эше кузгатылган. Ир-ат үз вазифасыннан файдаланып, зур күләмдә оешма милкен урлауда гаепләнә. 

Прокурор тикшерүе материаллары җинаять эше кузгату өчен сәбәп булып тора. Тикшерү версиясе буенча, 2018 елдан 2020 елга кадәр ир-ат, компания директоры буларак, фирманың ике экскаваторын сатып җибәргән. Аларның гомум бәясе 1,3 млн сум тәшкил иткән. Акчаны ул үз мәнфәгатьләрендә кулланган.

Ир гаебен таныган, зыянны тулысынча капларга вәгъдә биргән.

Чыганак: Башинформ.

Фото: istk.ru