Эшкуар үз фермасында рөхсәтсез дөяләр, мараллар һәм декоратив кәҗәләр асраган

Башкортстан районара табигатьне саклау прокуратурасы ачыклавынча, Ишембай районы Шихан бистәсе территориясендә урнашкан экофермада шәхси эшкуар дөяләр, мараллар, декоратив кәҗәләр, Африка тәвә кошларын, кыргавыллар, тавис кошларын тиешле лицензиясез мәдәни-тамаша максатларында тоткан, шулай ук аларны тотканда кагыйдәләрне бозуларга юл куйган.

"Табигатьне саклау прокуратурасы таләпләре буенча коммерсант „хайваннарны мәдәни-тамаша максатларында куллану һәм аларны тоту таләпләрен үтәмәү“, „ветеринария-санитария кагыйдәләрен бозу“ һәм „лицензия булмаганда эшкуарлык эшчәнлеген гамәлгә ашыру“ маддәләре буенча административ җаваплылыкка тарттырылды. Моннан тыш, аның адресына күрсәтмә кертелде, аны тикшерү нәтиҗәләре буенча хокук бозулар бетерелде”, — дип хәбәр иттеләр БР прокуратурасының матбугат хезмәтендә. 

Чыганак: bashinform.ru