Русия Тикшерү комитетының Башкортстан буенча идарәсе авыр җинаять кылуда шикләнелү буенча 34 яшьлек Сулимхаджи Идрис улы Джабаевны эзли. Чечен республикасы Шәле районы Автуры авылында туып-үскән ир Салават шәһәрендә яши.
Тышкы кыяфәте, билгеләре: буе якынча 175 см, уртача гәүдәле, кыска кара чәчле, сакалы бар.
“Джабаевның кайда булуын белүчеләрне тикшерү идарәсенең ышаныч телефонына 8 (347) 251-62-51 яисә эчке эшләр органнары номерына (02, мобиль телефоннан – 102) шалтыратып хәбәр итүегезне үтенәбез”, – дип гражданнарга мөрәҗәгать итәләр ведомствода.
Эзләүгә игълан ителгән ир өч җинаятьтәше белән бергә үзенең 29 яшьлек танышыннан 1 миллион сум акча таптырганнар. 31 май көнне алар каза күргән ир-атка “Лада Калина” машинасында төнге клубка барырга тәкъдим иткәннәр. Төнге клубта ирләр компаниясе аны кыйнаган, җибәрмичә тоткан һәм акча таләп иткән.
Чыганак: bashinform.ru