64 яшьлек ханым елый-елый полициягә килгән

Кичә Уфа полициясенә елый-елый 64 яшьлек ханым мөрәҗәгать иткән. Чит номердан шалтыратучыларны алырга ярамаганын ул яхшы белсә дә, бәйрәм чорында я берәр туганым булыр дип, бу юлы җавап биргән.

Аферистлар үзләрен хокук саклау органнары хезмәткәрләре, дәүләт хезмәтләре порталы (Госуслуги) белгечләре дип таныштырганнар һәм счетындагы акчасын кемдер урларга маташканын, ә югалтмас өчен телефонына килгән код номерын әйтергә кушканнар. Ханым бу сүзләргә ышанып, телефонында мошенниклар кушкан операцияләрне эшләгән. Нәтиҗәдә, ул 2 миллион сумнан артык акчасын югалткан. Ул үз куллары белән чит кеше счетына күчергән.

Бу факт буенча җинаять эше кузгатылган. Мошенникларны эзлиләр...

Чыганак: Башинформ