Алар анда берничә тапкыр барган

“Крокус Сити Холле” концерт залында канлы теракт оештырган җинаятьчеләр һөҗүм итәр алдыннан күңел ачу үзәгенә берничә тапкыр барганнар. Максатлары – бинаның планировкасын, сакчыларның кайда утыруын карау, терактка әзерләнү, азактан чыгып китү юлларын планлаштыру булган.

22 март көнне кичтән “Крокус”та дүрт кораллы кеше “Пикник” төркеменең концертына килгән тамашачыларны атып, соңыннан концерт залын шартлатып чыгып киттеләр. Соңгы мәгълүматлар буенча, анда һәлак булучылар саны 137гә җиткән.

Бүген Русиядә матәм көне булды, һәлак булучыларның шәхесләрен ачыклау эшләре бара һәм таныганнарына җеназа укулар башланды.

Чыганак: gazeta.ru