Әстәгъфируллаһ! Бер хатынның 90 штрафы җыелган

Башкортстанда «Бурычлы» оператив-профилактик чара вакытында ЮХХДИ хезмәткәрләре штраф түләмәүчеләрне тоткан.

Ведомствоның матбугат хезмәте мәгълүматлары буенча, кичә Дүртөйле районында М-7 «Волга» юлында ДПС хезмәткәрләре «Паутина» системасы ярдәмендә Hyundai Solaris машинасын туктатканнар. Руль артында 43 яшьлек хатын-кыз утырган. ЮХХДИ федераль базасы мәгълүматлары буенча, ул юл йөрү кагыйдәләрен бозган өчен 99 500 сумлык 90 штраф җыйган. Штрафлар үзеннән-үзе юкка чыкмыйлар, хәзер аңа бу сумманы түләргә кирәк булачак. 

Әйткәндәй, штрафлар турында ЮХХДИ рәсми сайтында, шулай ук «дәүләт хезмәтләре» порталында белергә мөмкин.