Дача йортында дүрт кеше мәете тапканнар

Якутиядә канкоеш теркәлгән: Мирный шәһәрендә утлы коралдан атып үтерелгән дүрт кеше гәүдәсен тапканнар.

SHOT Телеграм-каналы язуынча, бу хәл кичә шәһәрнең Плотинная урамында урнашкан дача йортында булган. Йортның төрле бүлмәләрендә дүрт мәет табылган:  ир-ат гәүдәсе йорт ишеге янында табылган, бер хатын диванда яткан килеш үлгән, икенче хатын гәүдәсен күрше бүлмәдә кровать янында тапканнар, янәшәсендә – ир-ат гәүдәсе.

Җинаять урыныннан 12нче калибрлы алты гильза табып алганнар. “Ике һәм аннан да артыграк кешене үтерү” маддәсе буенча җинаять эше кузгатылган. Аны Тикшерү комитеты тикшерә. Үтерүчене эзлиләр. Мәрхүм ир-атлар – 42 һәм 45, хатын-кызлар 36 һәм 37 яшьтә  булганнар. 

Чыганак: SHOT Телеграм-каналы.