Балалар бакчасында дүрт литр хәмер табылган

Бер көнне Бәләбәй районының Аксаков авылындагы балалар бакчасына көтелмәгән кунак - Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең БР буенча идарәсеннән килеп кергәннәр.

Тикшерү барышында алар ашханә бүлмәсендә 4 литр хәмер тапканнар. "Роспотребнадзор" хезмәткәрләре полициягә мөрәҗәгать иткән.

«Балалар бакчасы хезмәткәрләре бер нинди дә аңлатма бирмәде, алкоголь эчемлекләрнең монда кайдан килеп чыкканын эчке эшләр органнарындагы коллегалар тикшерәчәк», — дип хәбәр иттеләр ведомствода.