Баланың күз алдында... (ВИДЕО)

Петербургта котырынган ир урамда очраткан хатынга ташланган. Ул аны бәреп егып, типкәләгән. Хатын авыр җәрәхәт алган.
SHOT Телеграм-каналы язуынча, ачуы чыккан билгесез адәм 39 яшьлек Юлиягә Ленин проспектында  ташланган. Бу хактагы видео кадрларын күреп, исең-акылың китәрлек: һөҗүм итүче ир, Юлияне асфальтка ега да типкәли.

Хатынның иңбашы нык җәрәхәтләнеп, сынган. Аңа бүген операция ясарга тиешләр. Юлия сүзләренчә, бу хәлдән соң аның улында – психологик травма. Әнисен яклый алмаган 11 яшьлек малай өчен бик кайгыра.

Һөҗүм итүче – Ленин проспектыннан ерак түгел яшәүче психик авыру. Бу хакта Юлиягә шаһитлар хәбәр иткән. Хатын исә аны  моңарчы күрмәгән. Ирне полиция эзли. 

Чыганак: SHOT Телеграм-каналы.