Көчләү күренеше булган видеолар куйганнар

Стәрлетамак шәһәрендә социаль челтәрләргә көч куллану, җәзалау күренешләре булган видеолар урнаштырганнар. Тикшерү бара.

Аларда ир-ат һәм хатын-кызга карата кыйнау һәм башка законсыз гамәлләр күрсәтелә. Бу вакыйгалар Стәрлетамакта булган дип күрсәтелә.

Хәзер хокук саклау органнары зыян күрүчеләрнең шәхесләрен һәм видеолар авторын ачыклау белән мәшгуль. Бу хакта БР Эчке эшләр министрлыгы һәм БР буенча тикшерү комитеты хәбәр итә.

Чыганак: Башинформ.