Кырын эш кырык елдан соң да беленә...

Башка кеше кылган җинаять өчен 13 ел утырып чыккан 80 яшьлек Фәтхулла Исхаков дәүләттән 31 миллион сум компенсация алачак.

Юрист Виталий  Буркин хәбәр итүенчә, судта ул Фәтхулла бабайның мәнфәгатьләрен яклаган һәм алар әхлакый зыян өчен 450 миллион сум компенсация таләп иткән булганнар.

• Бу кешенеңгазапларын сүз белән генә аңлатып бетү мөмкин түгел, - ди яклаучы. – Ул төрмәдә утырган вакытта тормыш иптәше, әтисе һәм әнисе якты дөнья белән хушлашалар. Баласын балалар йортына тапшыралар. Фәтхулла Исхаков төрмәдән чыккач 50 ел үзенең гаепсез булуын исбатларга тырыша.

Аны 1959 елда ике кызны үтерүдә маташуда гаепләп кулга алалар. Совет милиционерлары тарафыннан төрле җәфалауларга дучар ителә. 2012 елда судта аңа каршы күрсәтмәләр биргән бер шаһит кызларны үзе үтерергә маташуын таный. Шулай итеп, кырын эш кырык елдан соң да беленә диюләре дөрес булып чыга, без капчыкта ятмый, тишеп чыга...

Чыганак: prufy.ru