Фахишәгә заказ ясаган

Уфада 25 яшьлек ир мошенниклар тозагына эләккән. Ул интим-хезмәтләргә кызыккан, әмма шактый акчасыннан колак  каккан.  БР буенча Эчке эшләр министрлыгында хәбәр итүләренчә,  яшь ир аферистларга 40 меңнән арты акчасын күчергән. Әмма гыйшык-мыйшык уйный алмган.

Бу очрак буенча җинаять эше кузгатылган.

“Таныш булмаган кешеләргә акча күчермәгез! Телефоныгызга имеш тә банк хезмәткәре шалтыратса, трубканы куегыз. Социаль челтәрләрдә аралашканда уяу һәм игътибарлы булыгыз. Танышларыгыздан сәер хәбәрләр алган очракта тәүдә алар белән шәхси номерлары буенча элемтәгә чыгыгыз. Сәер сылтамалар аша үтмәгез һәм тиешерлмәгән сайтларга кермәгез”, – дип ничәнчегә инде кисәтәләр ведомствода. 

Чыганак: bashinform.ru