Юл уртасында яткан кешене таптаган

БР буенча ЮХХДИнең матбугат хезмәтендә хәбәр итүләренчә, узган тәүлектә республика юлларында өч кеше һәлак булган. Төнге уникеләрдән соң Стәрлетамак районында Дергачёвка – Стәрлетамак – Раевка юлының 5нче километрында Бәгәнәш авылы тирәсендә Стәрлетамакта яшәүче  Hyundai Solaris  руле артындагы 37 яшьлек водитель хәвефле борылышта  кюветка төшеп ауган.

Авариядә водитель һәм аның 36 яшьлек пассажиры вакыйга урынында ук үлгән. Тагын бер пассажир хатын – водительнең 32 яшьлек тормыш иптәше – җәрәхәтләр алган.

Төнге өчләр тирәсендә Илеш районында да юл-транспорт вариясе теркәлгән. Мәскәү – Уфа юлында 66 яшьлек водитель үзенең Nissan Qashqai автомобилендә  шәхесе ачыкланмаган җәяүлене таптаган. Дөрес булса, ул юл уртасында яткан, ди. Авария нәтиҗәсендә карап торышка 45-50 яшьләрдәге ир ашыгыч ярдәм килгәнче үк үлгән.

Аварияләр нәтиҗәләре буенча тикшерү оештырылган. 

Чыганак: bashinform.ru