Мәскәүдә биюче егетне тукмаганнар

Мәскәүдә   “Йолдызлар белән биюләр” телешоуның жюри әгъзасы   Максим Кожевниковны тукмаганнар.

Максим – Латин Америкасы шоу-программасы буенча күп тапкыр дөнья һәм АКШ чемпионы.  Аны кыйнаулары турында SHOT Telegram-каналы хәбәр итә.

Чыганак мәгълүматлары буенча, күңелсез хәл  4 майда булган. Кожевниковның башы җәрәхәтләнгән, баш мие селкенгән, сынган урыннары да бар, бәрелгән урыннары күп. Һөҗүм итүчеләрнең шәхесләре һәм низагның нечкәлекләре  турында әлегә хәбәр ителми. Максим әле  дәваханәдә.