186 мең акчасын чит кешегә күчергән

Русия Эчке эшләр министрлыгының Уфа буенча 4 нче полиция бүлегенә 63 яшьлек ир мөрәҗәгать иткән. Ул полиция хезмәткәрләренә шуны җиткергән: аңа бер кеше шалтыратып, үзен банк хезмәткәре дип таныштырган. Шушы минутларда кемдер аның исеменнән кредит рәсмиләштерергә тырышалар, дигәннәр. Акчасын югалтмас өчен картасыннан алып, икенче счетка күчерергә кирәк, дигәннәр. Зыян күрүче чит кешегә ышанып, ул әйткәнчә эшләгән - картасында яткан 186 мең сум акчасын каядыр җибәргән.

Барлык акчасыннан колак какканын аңлагач, полициягә мөрәҗәгать иткән.