Мәкерле планнары булган инде

Башкортстанда чәчәк кибетләре челтәрен тотучы ирле-хатынлы 33 миллион сумнан артык акчанларын законсыз рәвештә чит илгә чыгарган. 

Билгеле булганча, эшкуарлар берничә ел Эквадордан чәчәкләр кайтару өчен килешү төзегәннәр һәм банкларга күчерелгән акчаларның максаты һәм билгеләнеше турында дөрес булмаган мәгълүматлар белән документлар биргәннәр. Әмма Русиягә товарлары килмәгән,  килешүләрнең дә срогы чыккан, акча кире кайтмаган.

Хәзер эшкуарларга РФ Җинаять кодексының 193.1 маддәсе буенча җинаять җәзасы яный. Тикшерү бара.