Сабыйның аягы батареяга кысылып калган

Балалар бакчаларында сабыйларга ныклы контроль, күз дә каш булырга кирәклеге турында яхшы беләбез. Ләкин юк-юк та күңелсез хәлләр булып тора.

   Шундыйлардан – күптән түгел Ишембай шәһәрендә балалар бакчасында 3 яшьлек сабыйның сул аягы җылылык батареясына кысылып калган. Нәтиҗәдә, баланың тәне нык кына пешкән. Бу хакта Башкортстан Прокуратурасының матбугат хезмәтендә хәбәр итә.

  “Балалар бакчасы персоналы, тәрбиячеләр үз бурычларын  тиешенчә башкармаган” – ведомствоның фикере шунды. Садик мөдиренә кисәтү ясалган, мондый хәлләр килеп чыкмасын өчен өстәмә чаралар күрергә, гаеплеләргә җәза бирергә кушылган.