Азык төлек һәм хәмер өчен фатирын “аренда”га биргән

Уфада полицейскийлар үз фатирында наркотиклар куллану өчен притон оешытыручы 37 яшьлек беркайда да эшләмәгән ирне тоткарлаган.

Участковый уфалының быел июль аеннан алып спиртлы эчемлекләр һәм азык-төлек өчен Юрий Гагарин урамындагы фатирын наркотиклар ясап кулланучылар өчен “аренда”га бирүен ачыклаган.

“Тентү нәтиҗәсендә полицейскийлар фатирда тыелган матдәләр әзерләү өчен савыт-саба, шулай ук шприцлар тапкан. Әлеге факт буенча җинаять эше кузгатылган”, – диләр Эчке эшләр министрлыгының Уфа буенча идарәсендә.

Чыганак: bashinform.ru