Юлда йөрергә дә куркырсың...

Башкортстан автоинспекторлары тәүлек эчендә 43 исерек шоферны кулга алганнар.

Барлыгы 1,8 меңнән артык юл хәрәкәте кагыйдәләрен бозу очрагы теркәлгән. Алар арасында элек машина йөртү хокукыннан мәхрүм ителгән 13 водитель дә бар. 509 кеше каешын эләктермәгән, 46 водитель балаларын махсус утыргычсыз йөрткән, 30ы -каршы як полосага чыккан.

Юл йөрү кагыйдәләрен бозучы автомобиль хуҗаларына административ хокук бозу турында беркетмә төзеләчәк, барысы да тиешле җәзасын алачак.