Краснокама районында тимер юлы каракларын эләктергәннәр

Башкортстанның Краснокама районында тимер юлы каракларын эләктергәннәр. 

Оператив-эзләү чаралары барышында тотылган җинаятьчеләр рельсларны бер-берсенә беркетә торган 1,2 тоннадан артык шөреп һәм ныгытмаларны урлап сатулары ачыкланган. Төркемнең җинаятьчел гамәлләре аркасында тоз кислотасы белән тулы өч цистерна тимер юлы күчәреннән төшкән.

«Башнефть - Логистика» оешмасы әлеге юлларны арендага алган булган һәм бу зыян күләме аларга 1,3 млн сумнан артып киткән.

Хәзер кулга алынган каракларга карата җинаять эше ачылган.