Бер тәүлек эчендә 58 исерек водитель тотылган

Узган тәүлектә, 31 июльдә, республика юлларында 8 автомобиль һәлакате теркәлгән, аларда 2 кеше һәлак булган һәм 11 кеше имгәнгән.. Шул ук чорда дәүләт автоинспекторлары 1500 дән артык юл йөрү кагыйдәләрен бозу очракларын ачыклаган, 58 исерек шоферны эләктергәннәр. Ә шуларның өчесе кабаттан исерек килеш руль артына утырып тотылган.

Кеше төрле фаҗигаләрдән, башкаларның хаталарыннан сабак алырга, аларны кабатламаска тырышырга тиеш тә бит. Кызганыч, шушы "канун" һәркайсыбызның да аңына барып җитми.