Күңел ачарга яратучы, төнге клубларга йөрүче бер гүзәл зат күңелсез хәлгә тарыган. Ханым төнге клубка машинасында  руль артында эчкән килеш барырга уйлаган. Тик барып җитә алмаган – юлда аны гаишниклар туктатып, документларын күрсәтүне таләп иткәннәр. Менә шул вакытта ханымның салмыш булуы ачыкланган да инде. Хәзер аны бу гамәле өчен колониягә озатырга мөмкиннәр. Бу факт буенча тикшерү эше тәмамланган һәм судка җибәрелгән.

Башкортстанда яшәүче  39 яшьлек автоледи моңа кадәр дә машинасында исерек килеш йөргән өчен җаваплылыкка тарттырылган булган.

Фото: news102.ru