Кибетне баскан ир суыткычка кереп йоклаган

Подмосковьеның Пушкино шәһәрендә бер ир кибетне басып кергән һәм сыр саклана торган витрина-суыткыч эчендә сузылып ятып йоклаган.  Йоклап яткан ирне видеога төшергәннәр, аны “Подъем”  үзенең Telegram-каналында бастырып чыгарган.

Кадрларда ирнең законсыз рәвештә кибеткә кергәнлеге күренә: сәүдә үзәгенең пыяла  ишеге ватык, сырлар һәм төрле колбасалар сатыла торган “Великатес” кибетенең роллетлы ишеге дә ачык. Видеоролик авторы шапка һәм курткадан киенгән ирнең суыткыч эчендә рәхәтләнеп йоклап ятуын да күрсәтә.

Сатучы сүзләренчә, кибеткә һөҗүм итүче карак исерек булган, суыткычтагы товарның берникадәр өлешен ул ашаган. Полицейскийлар ирне тоткарлаган.

Чыганак: Lenta.ru