Яңа туган кызының мәетен табибларга алып килгән һәм ...

UfacityNews.ru хәбәр итүенчә, яшь ана районның Үзәк дәваханәсенә килә һәм кызын коткаруларын сорый. Ә бала күптән инде үле була, шуңа медицина хезмәткәрләре полиция чакырта.

27 яшьлек анадан сорау алганнан соң вакыйгага бераз ачыклык керә. Бак дисәң, хатын 3 мартта мунчада баласын үзаллы тудыра һәм шунда калдыра. Биш көнгә калдырып китә...

Бу вакыт эчендә хатын кайда йөрегән һәм нәрсәләр эшләгән? Бу хакта мәгълүмат юк. Әмма ул 8 мартта баласы янына кайта һәм кызын табибларга алып килә.

Әле бу җанөшеткеч вакыйга буенча тикшерү эше бара. Полиция бала туган урындагы ләгәнне һәм хатынның киемнәрен тикшерүгә алган. Хатын үзе дәваханәдә. Ә яңа туган сабыйның мәете судмедэкспертларга тапшырылган.