Мәктәп директорына карата 16 җинаять эше ачылган

Тикшерү комитетының БР буенча матбугат хезмәтендә хәбәр итүләренчә, шикләнелүче хатын 2016-2018 елларда кул астындагы хезмәткәрләренә стимуллаштыра торган түләүләр бирүне оештырган. Әмма ахырда закон нигезендә түләнгән премияләрнең бер өлешен кайтаруны (имеш, мәктәп кирәк-яракларына) таләп иткән.

Эшнең нидә икәнен белмәгән хезмәткәрләр, ризалашып, таләп ителгән суммаларны директорга кайтарган. Ә элекке җитәкче исә аларны үз мәнфәгатьләренә тотынган. 2016-2018 еллар аралыгында ул 300 мең сумнан артык акчаларны үзләштергән.

Әлеге вакытта тикшерү эшләре һәм оператив-эзләү чаралары үткәрелә. Элекке мәктәп директорының җинаятьчел гамәлләренең һәр эпизоды буенча дәлилләр җыелачак.