Балалар кая югала?

Русия Тикшерү комитеты иң күп бала югалучы регионнарны атады.

2018 елда Тикшерү комитетына 13 мең 683 бала югалуы турында гариза язылган. 2019 елның беренче яртыеллыгында 8 мең 383 бала югалган.

Оператив чаралар күрелү һәм волонтерлар ярдәме белән күбесе табылган. Бүгенге көнгә, 98 бала хәбәрсез югалганнар исемлегендә. Тикшерү комитеты чит илләрдәге террорчылар лагерьларына эләккән балаларны кайтару буенча да зур эш алып бара. Комитет туплаган мәгълүматлар буенча, 800 дән артык бала, әлеге лагерьларда тоткынлыкта иза чигә.