+13 °С
Болытлы
Барлык яңалыклар
Җинаять һәм җәза
30 апрель 2019, 02:40
Балаларның теленә кнопка һәм энә белән кадап "тәрбияләгәннәр"
Красноярск өлкәсенең Канск шәһәрендә "Колосок" балалар бакчасында эшләгән тәрбиячеләр сабыйларны кнопка һәм энә белән кадап "тәрбияләгән". Бу турыда РИА Новости агентлыгына төбәк буенча Тикшерү комитеты идарәсе вәкиле Ольга Дегидь хәбәр иткән.
Красноярск өлкәсенең Канск шәһәрендә "Колосок" балалар бакчасында эшләгән тәрбиячеләр сабыйларны кнопка һәм энә белән кадап "тәрбияләгән". Бу турыда РИА Новости агентлыгына төбәк буенча Тикшерү комитеты идарәсе вәкиле Ольга Дегидь хәбәр иткән.
Ольга Дегидь сүзләренчә, 40 һәм 49 яшьлек ике тәрбияче сабыйларны җәзалауда һәм вазифаларын башкармауда гаепләнгән.
Тикшерүчеләр ачыклаганча, бу тәрбиячеләр 2016 елдан 2017 елның апреленә кадәр дүрт-биш яшьлек сабыйларның теленә, арт ягына, аякларына һәм кулларына, башка урыннарына кнопка һәм булавка энәсе белән кадаган. Алар балаларны шул рәвешле тәртипкә утыртмакчы булган.
Балалар әти-әниләренә кайтып сөйләгән. Алар "тәрбияче апаларның тәрбияләргә булыша торган "ярдәмчеләре" бар", дип әйткән.
Дегидь сүзләре буенча, тикшерү барышында да бу хатыннар үз гаебен танымаган.
Суд ике хатын-кызны да гомуми режимлы колониягә дүртәр елга озатырга дигән карар чыгарган. Хөкем ителүчеләрне суд залында сак астына алганнар. Әлегә суд карары үз көченә кермәгән.
Читайте нас:
©1991-2024 "Өмет" гәзите Барлык хокуклар да якланган. Материалларны күчереп бастырганда, я аларны өлешләтә кулланганда "Өмет" гәзитенә сылтанма ясау мәҗбүри
Баш мөхәррир: Рәдис Гыйльван улы Ногманов
Телефон
8 (347) 273-94-38
Электрон почта
Адресы
450079, Республика Башкортостан, г. Уфа, ул. 50-летия Октября, 13, Дом печати, 9 этаж
Реклама хезмәте
8 (347) 273-64-81
Кабул итү бүлмәсе
8 (347) 273-94-56