Бөек Ватан сугышыннан әйләнеп кайткан бердәнбер атка һәйкәл куелды

 Миякә районының Илчегол авылында Керчь кушаматлы легендар атка һәйкәл ачылды.

Керчь – Бөек Ватан сугышыннан туган ягына әйләнеп кайткан бердәнбер ат.  Аны 1942 елда фронтка җибәргәннәр. Ул 112нче Башкорт кавалерия дивизиясе составында Уралдан Берлинга кадәр озын юл уза, ике тапкыр яралана. Сугыш беткәч, Семен Буденныйның шәхси боерыгы белән атны туган ягына кайтаралар, ул колхозда эшләвен дәвам итә, районда үткәрелгән сабантуйларның мактаулы кунагы була.